ब्रह्मपुत्रा

नुकतंच ब्रह्मपुत्रा स्तवन नामक एक गाणं पाहण्यात आलं,त्यातली अप्रतिम फ़ोटोग्राफ़ी आणि गाण्याचा सुंदर अर्थ या मुळे नशाच चढली त्या गाण्याची.

गंगा नदी जशी पवित्र तशीच ही देखील खुप पवित्र मानली जाणारी नदी....

भारतीय संस्क्रुती मधे सर्वच नद्यांना पवित्र मानलं आहे

तर ही तिबेट मधे उगम पावणारी नदी...तिला तिबेट मधे सांगपो म्हणतात...भारतात तिला लोहित किंवा ब्रम्हपुत्र आणि बांग्लादेश मधे जमुना असं नाव आहे.....

एक इंटरेस्टिंग गोष्ट म्हणजे नद्या सगळ्या स्त्रीलिंगी असतात...देवीचं रुप असतात ब्रह्म्पुत्र मात्र पुल्लींगी.... ब्रह्मा चा पुत्र!

तिबेटीयन समजुती प्रमाणे चांग तान पठार हे एका प्रचंड मोठ्या तलावाने व्यापलेले होते,

एका द्न्यानी माणसाने ठरवलं की मनुष्यजाती च्या आणी सर्व जीवांच्या कल्याणासाठी पाणी प्रवाहीत झालं पाहिजे आणि म्हणुन त्याने हिमालयातुन पाणी वाहतं करण्यासाठी त्याला मार्ग करुन दिला...हा ओघ ज्या मार्गावरुन वाहत गेला तो अर्थातच सुजलाम सुफ़लाम झाला आहे.....

अजुन एक खुप मनोरंजक गोष्ट वाचायला मिळाली ती म्हणजे ह्या नदीला ब्रह्मपुत्र म्हणजे ब्रह्मा चा पुत्र असं म्हटलं जातं आणि त्याच नावाचा ब्रह्मकुंड देखील आहे. परशुरामांनी जेव्हा आपल्या आई चा वध करुन जे घोर पातक केलं त्यामुळे त्यानी वापरलेलं हत्यार त्यांच्या हातातच चिकटुन बसली...संतांच्या सांगण्यानुसार ह्या पातकाचं प्रायश्चित्त करण्यासाठी त्याला तीर्थयात्रा करावी लागणार होती,ब्रह्मपुत्रा नदीजवळ परशुरामांनी आपल्या कुर्हाडीने पर्वतांची एक रांग दुर करुन स्थानिकांसाठी पाणी उपलब्ध करुन दिलं,त्या मधे कुर्हाडीला पाण्याचा स्पर्श होउन त्यावरील रक्त पाण्यात मिसळलं आणि त्यामुळे पाण्याला एक लाल छटा प्राप्त झाली!

अशा अजुनही काही दंतकथा या नदीशी जोडल्या गेल्या आहेत.

ब्रह्मपुत्रा या भागाच्या शेती सिंचनासाठी आणि जलवाहतुकीसाठी एक महत्वाची नदी आहे.....महाकाय पात्र असलेली ही नदी नव्हे महानद आहे,

या नदीचा प्रवेश अरुणाचल प्रदेशातुन भारतात होतो जगाचे छप्पर म्हटल्या जाणार्या तिबेट कडुन ही नदी वाहत येउन सखल मैदानी प्रदेशात वाहते अरुणाचल प्रदेशा मागोमाग आसाम च्या धरतीत दाखल होते.

दिब्रुगड आणि लखीमपुर यां मधे ही नदी दोन भागांत विभागली जाते हे दोन वेगवेगळे झालेले प्रवाह परत एकत्र होता आणि मधलं तयार झालेलं बेट माजुली म्हणुन ओळखलं जातं हे जगातलं सर्वात मोट्ठं नदीतलं बेट आहे. माजुली वर सध्या पाउस आणि पुरांमुळे नष्ट होण्याचं संकट आहे.ह्याचं क्षेत्रफ़ळ हळुहळु कमी होत चाललय...

त्यानंतर ती बांग्लादेश मधे प्रवेश करते....नकाशात बघितलं तर ह्या गाण्यात म्हटल्यासारखं...तु देश के कंधे का है नीला दु:शाला! एखादी नीळी शाल घेतल्यासारखी ही नदी वाहताना दिसते..

ब्रह्मपुत्रा नदीला पावसाळ्याच्या काळात कायमच पुर येत असतात,नदीच्या पात्रात झाडतोड केल्यामुळे नदीपात्राचे झीजणे,

पुरजन्य परीस्थीती आणि त्यामुळे जीवीत आणि वित्त हानी ठरलेलीच....

आसाम अरुणाचल मधील जनतेच्या आयुष्याचा,संस्क्रुतीचा अविभाज्य भाग....

अशी ही महाबाहु ब्रह्मपुत्र

मधुवंती

 https://www.youtube.com/watch?v=NdPgNulVDEo&fbclid=IwAR37EBW8MUd2oPF24v1KoDjeeJZx33DQBxzboV_nd70hmm6-VOADVQKo3Qw